"विठाई अ‍ॅग्रो प्रोड्यूसर्स: यशस्वी भविष्यासाठी उत्तम उत्पादने "

विठाई अ‍ॅग्रो प्रोड्यूसर्स कंपनीची स्थापना 16 जानेवारी 2020 रोजी MCDC–ABGC (अ‍ॅग्रो बिझनेस ग्रोथ सेल) प्रोग्राम अंतर्गत करण्यात आली. पंढरपूर तालुक्यातील फुलचिंचोली, जिल्हा सोलापूर येथे स्थित असलेल्या या कंपनीने शेतकऱ्यांना परवडणाऱ्या, नाविन्यपूर्ण आणि योग्य  शेती उपायांची  सेवा दिली आहे.विठाईॲग्रोचे मुख्य उद्दिष्ट शेतकऱ्यांकडून शेतमाल खरेदी करून त्यासाठी आवश्यक पायाभूत सुविधा उभारणे आहे. यात खरेदी-विक्री केंद्र स्थापन करणे, शेतमालाची प्रतवारी करणे, वाहतूक सुविधा उपलब्ध करून देणे आणि विक्रीसाठी बाजारपेठ उभारणी करणे यांचा समावेश आहे. कंपनी शेतकऱ्यांना शेतीसाठी लागणारी खते थेट पुरवते, ज्यामुळे सभासदांना योग्य दरांमध्ये खते खरेदी करता येतात. शेती उत्पादनांच्या व्यवस्थापनासाठी कृषी मूल्य साखळी मजबूत करण्यावर कंपनीचा भर आहे. आधुनिक शेती तंत्रज्ञानाची माहिती देण्यासाठी कार्यशाळा आणि अभ्यासदौरे आयोजित करून शेतकऱ्यांना प्रगत शेतीची ओळख करून दिली जाते. विठाईॲग्रो शेतकऱ्यांना विविध सरकारी योजनांची माहिती पुरवते आणि त्याचा लाभ घेण्यासाठी प्रोत्साहित करते. अन्न प्रक्रिया उद्योगाला प्रोत्साहन देत, शेतमालाच्या पोस्ट-हार्वेस्ट नुकसानीत कपात करण्याचे काम कंपनी करते. तसेच, शेतीशी संबंधित विविध चर्चासत्रे आयोजित करून शेतकऱ्यांना नवीन माहिती आणि मार्गदर्शन दिले जाते. कंपनी शेतकऱ्यांच्या प्रगतीसाठी सतत कार्यरत असून, त्यांच्या शेतीचे भविष्य उज्ज्वल करण्यासाठी कटिबद्ध आहे.

१) ऍग्रो  इनपुट रिटेल दुकान:

आम्ही एक ऍग्रो इनपुट रिटेल दुकान चालवतो, जेथे शेतकऱ्यांना कमी किमतीत खते, कीडनाशके आणि बियाणे उपलब्ध करून दिले जातात. आम्ही परवडणाऱ्या दरांमध्ये चांगल्या प्रकारची उत्पादने देण्यावर भर देतो आम्ही शेतकऱ्यांसाठी १०० हून अधिक माहिती पूरक कार्यक्रमाचे आयोजित केले आहे . तसेच  शेतकऱ्यांना पिकांच्या वाढीसाठी  योग्य निर्णय घेण्यासाठी विनामूल्य माती चाचणीची  सेवा दिली आहे.या उपक्रमांद्वारे द्राक्ष, डाळिंब, टोमॅटो, काकडी, कोबी आणि हंगामी भाज्यांना मदत मिळाली आहे . सर्व उपक्रम ऍग्रो रिटेल दुकानाद्वारे शेतकऱ्यांच्या फायद्यासाठी आयोजित  केले जातात.

२) ताज्या फळे आणि भाज्यांचा पुरवठा:

आम्ही पुण्यातील कॉर्पोरेट ग्राहकांना ताज्या फळांचा आणि भाज्यांचा पुरवठा करतो. आम्ही B2B, B2C, आणि B2B2C हे  मॉडेल वापरतो. आमची ट्रॅसेबिलिटी तंत्रज्ञान गुणवत्ता आणि पारदर्शकता सुनिश्चित करते.आमच्या पिकांमध्ये  कांदा, मिरची, कोबी, फ्लॉवर, टोमॅटो आणि इतर भाज्यांचा समावेश आहे.आमच्या विश्वासू ग्राहकांमध्ये अग्रीटा सोल्यूशन्स प्रा. लि., अ‍ॅग्रीवाला प्रा. लि., आणि स्थानिक बाजारातील विक्रेते यांचा समावेश आहे.

३) कृषी वित्तपुरवठा:

SCIL कॅपिटल इंडिया प्रा. लि. (जय किसान फायनान्स) यांच्या सहकार्याने आम्ही लहान शेतकऱ्यांसाठी मायक्रोफायनान्स उपाय उपलब्ध करून देतो. आम्ही आतापर्यंत १२ हून अधिक शेतकऱ्यांना आवश्यक इनपुट खरेदीसाठी सहाय्य केले आहे . आम्ही आजपर्यंत ₹२,२०,२६५ वित्तपुरवठा केला आहे, ज्यामुळे शेतकऱ्यांना आवश्यक त्या शेतीच्याविषयी  संसाधने  उपलब्ध झाली आहेत.

४) वर्मी कंपोस्ट सेंद्रिय खत उत्पादन:

आम्ही शाश्वत शेती पद्धतींना प्रोत्साहन देतो. आमच्या वर्मी कंपोस्ट उत्पादनाने जमिनीची सुपीकता वाढवली असून रासायनिक खतांवरील अवलंबित्व कमी केले आहे.

५) ऍग्रो आउटपुट :

आमच्या शेतकऱ्यांसोबतच्या सहकार्याने आम्ही उच्च दर्जाचे तृणधान्ये, गहू, ज्वारी, मका आणि ताज्या भाज्या उत्पादन करतो. ही उत्पादने ग्राहक आणि बाजारपेठेत पुरवली जातात, ज्यामुळे शेतकऱ्यांना योग्य मूल्य मिळते आणि ग्राहकांना ताजा आणि चांगला माल मिळतो .

६) भविष्यातील योजना:

आमचे उद्दिष्ट शेतकऱ्यांसाठी बियाण्यापासून बाजारपेठेपर्यंत एकाच ठिकाणी सर्व सुविधा उपलब्ध करून देणे आहे.

i)पशुखाद्य उत्पादन: दूध उत्पादक शेतकऱ्यांसाठी उच्च दर्जाचे पशुखाद्य तयार करणे.

ii)अन्न प्रक्रिया: पिकांच्या नमुन्यानुसार अन्न प्रक्रिया केंद्र उभारणे, जेणेकरून काढणीनंतरचे नुकसान कमी होईल.

iii)शेती यंत्रीकरण: आधुनिक शेती उपकरणांचा वापर वाढवून उत्पादनक्षमता सुधारणे.

विठाई अ‍ॅग्रो प्रोड्यूसर्स शेतकऱ्यांच्या शेती करण्याच्या  पद्धती सुधारण्यासाठी, त्यांना सक्षम बनवण्यासाठी आणि सेंद्रिय शेतीला  प्रोत्साहन देण्यासाठी प्रेरित आहे .